خوست؛ په نادر شاه کوټ ولسوالۍ کې د ۱۲ لوبډلو تر منځ د ټېپ بال کرکټ سیالۍ پیل شوې
د خوست ولايت د بدني روزنې او ورزش امريت اړوند د ټېپ بال کرکټ فدراسيون د استازولي له لوري د نادر شاه کوټ ولسوالۍ په ځينيخېلو سيمه کې د ۱۲ لوبډلو ترمنځ د ټېپ بال کرکټ سيالۍ پيل شوې.
د دغو سياليو لومړۍ لوبه د پاڅون لټکوال او څوۍ بازانو لوبډل ترمنځ ترسره شوه، لومړی توپوهنه پاڅون لټکوال لوبډلې ترسره کړه او په ټاکلو لسو اورونو کې يې سیالې لوبډلې ته د پنځو لوبغاړو په زيان ۱۸۶ منډې هدف کېښود. د لوبې په دويمه نيمايي کې څوۍ بازانو لوبډلې د اوو لوبغاړو په زيان يوازې ۱۱۳ منډې جوړې کړې او په ۲۷ منډو يې ماته وخوړه.
