خوست؛ په نادرشاه کوټ ولسوالۍ کې د ۱۳ لوبډلو ترمنځ د ټېپ بال کرکټ سیالۍ پیل شوې
د خوست ولایت د نادرشاه کوټ ولسوالۍ اړوند په ترکۍ کلي کې د سیمې د ځوانانو له لوري د ۱۳ لوبډلو ترمنځ د ټېپ بال کرکټ سیالۍ پیل شوې.
د دغو سیالیو د پرانیستې په مراسمو کې د نادرشاه کوټ ولسوالۍ ورزشي مسؤل عزت الله وقار، مشرانو، ورزشي فعالانو او د ورزش ګڼ شمېر مینه والو برخه اخیستې وه.
د پیل لوبه د ډولي او محمد قیس خان لوبډلو ترمنځ وه، چې قیس خان لوبډلې په ټاکلیو لسو اورونو کې د شپږو لوبغاړو په زیان ۱۵۴ منډې جوړې کړې.
په ځواب کې یې د ډولي خان کلب د اتو لوبغاړو په سوځېدلو سره ۱۱۲ منډې وکړې او سیالي یې وبایلله.
د یادونې وړ ده چې دا سیالۍ به ۱۵ ورځې دوام وکړي.
