خوست؛ په مرکز متون ښار کې د ۵۰ لوبډلو ترمنځ د فوټبال جام سیالۍ پای ته ورسېدې
د خوست ولایت د بدني روزنې او ورزش امریت اړوند فوټبال فدراسیون د استازولۍ له لوري په مرکز متون لکڼو سرکیو بوړیو سیمه کې د ۵۰ لوبډلو ترمنځ د فوټبال سیالۍ، چې درې میاشتې وړاندې پیل شوې وې پای ته ورسېدې.
د دغو سیالیو په پایلوبه کې د عارف تبۍ او مهدي خېلو لوبډلو ترمنځ ترسره شوه، چې په پایله کې مساوي پای ته ورسېده؛ خو په پینالټي شوټونو کې عارف تبۍ لوبډلې خپلې سیالې لوبډلې ته د ۶-۴ ګولونو په توپیر ماتې ورکړه او اتلولي یې خپله کړه.
