خوست؛ نادر شاه کوټ ولسوالۍ کې د ۱۶ لوبډلو تر منځ د فوټبال سيالۍ پای ته ورسېدې
د خوست ولايت د بدني روزنې او سپورټ آمريت اړوند د فوټبال فدراسیون د استازولۍ له لوري په صحرا کلي کې د ۱۶ لوبډلو تر منځ د فوټبال سيالۍ د ټنډي کلي لوبډلې په اتلولۍ پای ته ورسېدې.
د يادو سياليو پايلوبه د ټنډي کلي او صحرا مسرور لوبډلو تر منځ ترسره شوه، چې په پايله کې سيالي مساوي پای ته ورسېده، خو په پنالټيانو کې ټنډي کلي لوبډلې، خپلې سيالې لوبډلې ته ۰/۱ گول په توپير ماتې ورکړه او اتلولي يې خپله کړه.
د يادونې وړ ده، چې دغو سياليو شاوخوا ۲۰ ورځې دوام وکړ.
په پای کې گټونکې لوبډلې ته د اتلولۍ جام او غوره لوبغاړو ته مډالونه او چمتو شوې ډالۍ ورکړل شوې.
