خوست؛ نادرشاه کوټ ولسوالۍ کې د ۱۳ لوبډلو ترمنځ د فوټبال سيالۍ پای ته ورسېدې
د خوست ولايت د بدني روزنې او سپورټ امريت اړوند د فوټبال فدراسيون د استازولۍ له لوري د نادرشاه کوټ ولسوالۍ په صحرا کلي کې د ۱۳ لوبډلو ترمنځ د فوټبال سيالۍ د الماس کلب لوبډلې په اتلولۍ پای ته ورسېدې.
د يادو سياليو پايلوبه د الماس او ملنګانو لوبډلو ترمنځ ترسره شوه، چې په پايله کې الماس کلب لوبډلې خپلې سيالې لوبډلې ته ۰/۱ گول په توپير ماتې ورکړه او اتلولي يې خپله کړه.
د دغو سياليو د ترسره کېدو موخه په ياده سيمه کې د ورزش وده ياده شوی وه، چې شاوخوا يوه مياشت يې دوام وکړ او په پای کې د ياد ولايت ورزشي امريت له لوري لومړي او دويم مقام گټونکو لوبډلو ته کپونه او مډالونه ورکړل شول.
