خوست؛ نادرشاه کوټ ولسوالۍ کې د ١٣ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په نادرشاه کوټ ولسوالۍ کې د ١٣ لوبډلو ترمنځ د ټېپ بال کرېکټ سیالۍ د تمدن ښوونځي لوبډلې په اتلولي پای ته ورسېدې.
د یادو سیالیو پایلوبه د حسن آباد او تمدن ښوونځي لوبډلو ترمنځ ترسره شوه. د لوبې پچه تمدن ښوونځي لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د څلورو ویکټو په زیان خپلې سیالې لوبډلې ته د ١٦٨ منډو هدف وټاکه. حسن آباد لوبډلې د هدف په تعقیب کې د درېیوو ویکټو په زیان ٨٧ منډې وکړې او د ٨١ منډو په توپیر یې لوبه وبایلله.
دا سیالۍ د ځوانانو لپاره د سالمې تفریح برابرولو په موخه ترسره شوې، چې یوه نیمه میاشت یې دوام وکړ.
