خوست؛ موسی خېلو ولسوالۍ کې د ۳۵ لوبډلو تر منځ د ټېب بال کرکټ سيالۍ پېل شوې
د خوست ولايت د بدني روزنې او سپورټ آمريت له خوا، د ياد ولايت په موسی خېلو ولسوالۍ کې د ۳۵ لوبډلو تر منځ د ټېب بال کرکټ انتخابي سيالۍ پېل شوې.
د يادو سياليو لومړۍ لوبه د گرنۍ او پټکو لوبډلو تر منځ ترسره شوه، چې په پايله کې پټکو لوبډلې په ټاکلو ۱۲ اورونو کې خپلې سيالې لوبډلې ته د ۱۳۰ منډو هدف ورکړ، گرنۍ لوبډلې ياد هدف پوره کړ او د ۶ ویکټو په توپیر يې بريا خپله کړه.
دغه سيالۍ، چې شاوخوا يوه مياشت به دوام وکړي، موخه يې د يادې ولسوالۍ منتخبې لوبډلې ته د غوړه لوبغاړو پېدا کول دي.
