خوست؛ مرکز متون ښار کې د ١٦ لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش امریت اړوند د والیبال فدراسیون د استازولۍ له لوري د ياد ولايت مرکز متون ښار په شيخ زاید ورزشي جمنازيوم کې د ١٦ لوبډلو ترمنځ د والیبال سیالۍ د مندوزیو لوبډلې په اتلولي پای ته ورسېدې.
د یادو سیالیو پایلوبه کې مندوزیو لوبډلې د ٢/٠ میدانونو په توپیر خپلې سیالې اسماعیل خېلو لوبډلې ته ماتې ورکړه او اتلولي یې وګټله.
دا سیالۍ د والیبال ورزش ته د ودې په موخه ترسره شوې، چې درې ورځې یې دوام وکړ.
