خوست؛ صبریو ولسوالۍ کې د ٥٥ لوبډلو ترمنځ د ټېپ بال کرکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت د يعقوبيو صبريو ولسوالۍ اړوند خالبساط بازار کې د ٥٥ لوبډلو ترمنځ د ټېپ بال کرکټ سیالۍ د کامران سټارز لوبډلې په اتلولي پای ته ورسېدې.
د یادو سیالیو پایلوبه د کامران سټارز او يعقوبيو خپلواک لوبډلو ترمنځ ترسره شوه. د لوبې پچه کامران سټارز لوبډلې وګټله او لومړی یې د توپ وهنې پرېکړه وکړه چې په ټاکلو نهو اورونو کې یې د خپلو اوو لوبغاړو په له لاسه ورکولو سره خپلې سیالې لوبډلې ته د ١٢٩ منډو هدف وټاکه. يعقوبيو خپلواک لوبډلې د خپلو ټولو لوبغاړو په له لاسه ورکولو سره یواځې ٨١ منډې وکړې او د ٤٧ منډو په توپیر یې سیالۍ وبایلله.
یادې سیالۍ ورزش ته د ځوانانو د هڅولو او سالمې تفرېح برابرولو په موخه ترسره شوې چې ٤٠ ورځې يې دوام وکړ او په پای کې غوره لوبغاړو ته مډالونه او نورې ډالۍ ورکړل شوې.
