خوست؛ د اتو لوبډلو ترمنځ د خوسي سیالۍ پای ته ورسېدې
د خوست ولایت د بدني روزنې او سپورټ امریت له لوري د سیمهییزو لوبو د راژوندي کولو په موخه د اتولو لوبډلو ترمنځ د خوسي سیالۍ، چې ۱۵ ورځې وړاندې پیل شوې وې، د مندوزیو لوبډلې په اتلولۍ پای ته ورسېدې.
د دې سیالیو په پای لوبه کې مندوزیو لوبډلې تڼيو لوبډلې ته د ۴۲/۳۸ نمرو په توپیر ماتې ورکړه او اتلولي يې وګټله.
یادې سیالۍ، چې د خوست ولایت د ورزش امریت مسئولینو ترڅنګ پکې ګڼ شمېر مینوالو او امنیتي مسئولینو هم ګډون کړی و، په پای کې ګټونکې لوبډلې او غوره ورزشکارانو ته د کپونو او ډالۍ هم ورکړل شوې.
