خوست؛ تڼیو ولسوالۍ کې د څلورو لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش آمریت اړوند د والیبال فدراسیون د استازولۍ له لوري د ياد ولايت په تڼیو ولسوالۍ کې د څلورو لوبډلو ترمنځ د والیبال سیالۍ د تڼیو الف لوبډلې به اتلولي پای ته ورسېدې.
د یادو سیالیو پایلوبه کې تڼیو الف لوبډلې د ٣ پر ٢ میدانونو په توپیر خپلې سیالې تڼیو منتخبې لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې څلور ورځې یې دوام وکړ.
