خوست؛ تڼيو الف لوبډلې د بهاري جام په نوم د واليبال سياليو اتلولي وگټله
د خوست ولايت د بدني روزنې او ورزش آمريت اړوند د واليبال فدراسيون د استازولۍ له لوري د تڼيو ولسوالۍ په الحاج پير باد شاه کلي کې د ۳۵ لوبډلو ترمنځ د "بهاري جام" په نوم د واليبال سيالۍ د تڼيو الف لوبډلې په اتلولۍ پای ته ورسېدې.
د دغو سياليو په پايلوبه کې تڼيو الف لوبډلې خپلې سيالې تڼيو منتخبې لوبډلې ته د ۰/۳ ميدانونو په توپير ماتې ورکړه او اتلولي يې وگټله.
د ويلو وړ ده، چې دغو سیالیو دوې مياشتې دوام وکړ او په پای کې لوبډلو ته نغدي او چمتو شوې بېلابېلې ډالۍ ورکړل شوې.
