خوست؛ تریزیو علیشېرو ولسوالۍ کې د ۲۰ لوبډلو ترمنځ د ټېپ بال کرکټ سیالۍ پای ته ورسېدې
د خوست ولایت د بدني روزنې او ورزش امریت اړوند د ټېپ بال کرکټ فدراسیون د استازولي له لوري د یاد ولایت په تریزیو علیشېرو ولسوالۍ کې د ۲۰ لوبډلو ترمنځ د ټېپ بال کرکټ ټاکنیزې سیالۍ د علیشېرو ایلیون سټارز لوبډلې په اتلولي پای ته ورسېدې.
د یادو سیالیو پایلوبه د عبدالله ستومان او علیشېرو ایلیون سټارز لوبډلو ترسره شوه. علیشېرو ایلیون سټارز لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو لسو اورونو کې یې خپلې سیالې لوبډلې ته د ۹۴ منډو هدف وټاکه. عبدالله ستومان لوبډلې د هدف په تعقیب کې د خپلو نهو لوبغاړو په له لاسه ورکولو سره ۸۴ منډې وکړې او سیالي یې د نهو منډو په توپیر وبایلله.
دغه سیالۍ د یادې ولسوالۍ د ټاکنیزې لوبډلې لپاره د غوره لوبغاړو د ټاکلو په موخه ترسره شوې، چې لس ورځې یې دوام وکړ او په پای کې ۱۸ لوبغاړي د علیشېرو ولسوالۍ ټاکنیزې لوبډلې ته وټاکل شول.
