جوزجان ؛ شبرغان ښار کې د ۳۲ ورزشکارانو ترمنځ د سنوکر دویم پړاو ټاکنیزې سیالۍ ترسره شوې
د جوزجان ولایت د بدني روزنې او ورزش امریت اړوند د سنوکر ملي فدراسیون د استازولۍ له لوري د یاد ولایت په شبرغان ښار کې د ۳۲ ورزشکارانو ترمنځ د سنوکر دویم پړاو ټاکنیزې سیالۍ ترسره شوې.
د دغو سیالیو په پایله کې ۱۲ ورزشکاران د جوزجان ولایت د سنوکر منتخبې لوبډلې ته وټاکل شول.
د یادو سیالیو موخه د جوزجان د سنوکز منتخبې لوبډلې د غوره ورزشکارانو ټاکل و، چې یوه اوونۍ یې دوام وکړ.
د سیالیو په پای کې د جوزجان ورزشي امریت له لوري ټاکل شوو ورزشکارانو ته کپ، مډالونه او د اتلولۍ حکمونه ورکړل شول.
