جوزجان؛ مرکز شبرغان ښار کې د ۱۰۰ ورزشکارانو ترمنځ د پهلوانۍ سيمه ييزې سيالۍ وشوې
د جوزجان ولايت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په مرکز شبرغان ښار کې د ۵۰ جوړو ( ۱۰۰ ) ورزشکارانو ترمنځ د پهلوانۍ سيمه ييزې سيالۍ وشوې، چې يوه ورځ يې دوام وکړ.
د دغو سياليو په پایله کې د ۱۰ جوړو لوبې مساوي او ۴۰ ورزشکارانو خپلو سيالانو ته په ماتې ورکولو سره برياوې او د اتلولۍ مقامونه خپل کړل.
د يادو سياليو موخه د پهلوانۍ سيمه ييزو سياليو ته وده ورکول او د ځوانانو هڅول و.
