جوزجان؛ خواجه دوکو ولسوالۍ کې د ۱۱۲ پهلوانانو ترمنځ د پهلوانۍ سيالۍ وشوې
د جوزجان ولايت د بدني روزنې او ورزش امريت اړوند د پهلوانۍ ملي فدراسیون د استازولۍ له لوري د ياد ولايت په خواجه دوکوه ولسوالۍ کې د ۱۱۲ پهلوانانو ترمنځ د پهلوانۍ سيالۍ وشوې، چې يوه ورځ يې دوام وکړ.
د دغو سياليو په پايله کې ۵۶ پهلوانانو خپلو سيالانو ته په ماتې ورکولو سره برياوې او د اتلولۍ مقامونه خپل کړل.
د يادو سياليو موخه د پهلوانۍ ورزش ته وده ورکول او ورزش ته د ځوانانو هڅول و، د سياليو په پای کې د ورزش مسوولينو له لوري غوره پهلوانانو ته چمتو شوې ډالۍ ورکړل شوې.
