تخار؛ ینګي قلعه ولسوالۍ کې د ۱۱۰ کورشکارانو ترمنځ د کورش سیالۍ ترسره شوې
د تخار ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په ینګي قلعه ولسوالۍ کې د ۱۱۰ کورشکارانو ترمنځ د کورش سیالۍ ترسره شوې، چې یوه ورځ یې دوام وکړ.
د دغو سیالیو په پایله کې د کوهستان ولسوالۍ کورشکارانو لومړی، د ینګي قلعه ولسوالۍ کورشکارانو دویم او د مرکز کورشکارانو بیا درېیم مقام خپل کړ.
د یادو سیالیو موخه سیمه ییزو او دودیزو لوبو ته وده ورکول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
