تخار؛ کهکشان لوبډلې د دې ولایت د خواجه بهاوالدین ولسوالۍ د فوتسال خزاني سیالیو اتلولي وګټله
د تخار ولایت د بدني روزنې او ورزش امریت په همغږۍ د فوټبال فدراسیون فوټسال کمېټې له لوري د دې ولایت په خواجه بهاوالدین ولسوالۍ کې د ۲۲ لوبډلو ترمنځ د فوټسال خزاني جام سیالۍ د کهکشان لوبډلې په بریا سره پای ته ورسېدې.
په دې سیالیو کې د جوانان آمو، جوانان دراني، جوانان آریا، جوانان تلاش، جوانان شیوا، جوانان سرحد کتکجر، جوانان خورشید ګلبهار، جوانان الماس، جوانان راه وحدت، موج ساحل، ارسلان، نجوم سحر، احمد کوچک، موج آمو، استقلال، طوفان، کهکشان، مومند، اتحاد کتکجر ، سرحد نوین، یاشلر او یاران لوبډلو ګډون درلود.
د دې سیالیو په پایلوبه کې د کهکشان لوبډلې د ۲-۱ ګولونو په توپیر اتحاد کتکجر لوبډلې ته ماتې ورکړه او د دې سیالیو اتلولي یې په خپل نوم کړه.
په دې سیالیو کې اتحاد کتکجر لوبډلې دویم مقام ترلاسه کړ، په پای کې غوره لوبډلو او لوبغاړو ته کپونه، مډالونه او تقدیرنامې ورکړل شوې.
