تخار؛ مرکز تالقان ښار کې د ۴۰ ورزشکارانو ترمنځ د فول رزم اتلولۍ سيالۍ ترسره شوې
د تخار ولايت د بدني روزنې او ورزش امريت اړوند د فول رزم ملي فدراسيون د استازولۍ له لوري د ياد ولايت په مرکز تالقان ښار کې د ۴۰ ورزشکارانو ترمنځ د فول رزم اتلولۍ سيالۍ ترسره شوې.
دغه سيالۍ د تنکيو ځوانانو، نويو ځوانانو، ځوانانو او د لويانو ورزشکارانو په عمري کټګوريو او په بېلابېلو وزني کټګوريو کې ترسره شوې، چې په پايله کې ۲۰ تنو خپلو سيالانو ته په ماتې ورکولو سره برياوې خپلې کړې.
د يادو سياليو موخه د فول رزم لوبو ته وده ورکول او د ځوانانو هڅول و، چې يوه ورځ يې دوام وکړ.
