تخار؛ رستاق ولسوالۍ کې د ۲۲ لوبډلو ترمنځ د فوټسال سيالۍ پای ته ورسېدې
د تخار ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په رستاق ولسوالۍ کې د يووالي جام په نوم د ۲۲ لوبډلو ترمنځ د فوټسال سيالۍ پای ته ورسېدې، چې درې ورځې يې دوام وکړ.
د دغو سياليو په پايلوبه کې رستاق سيټي لوبډلې خپلې سیالې رستاق باستان لوبډلې ته د ۵/۰ ګولونو په توپير ماتې ورکړه او اتلولي يې خپله کړه.
