تخار؛ رستاق ولسوالۍ کې د ۱۲ لوبډلو ترمنځ د والیبال سیالۍ د رستاق ځوانانو لوبډلې په اتلولۍ پای ته ورسېدې.
د تخار ولایت د بدني روزنې او ورزش امریت اړوند د والیبال فدراسیون د استازولۍ له لوري په رستاق ولسوالۍ کې د ۱۲ لوبډلو ترمنځ د پسرلي جام په نوم د والیبال سیالۍ د رستاق ځوانانو لوبډلې په اتلولۍ پای ته ورسېدې.
دغو سیالیو چې یوه اوونۍ دوام وکړ په پایلوبه کې د رستاق ځوانانو لوبډلې خپلې سیالې د ورېښمو لارې لوبډلې ته د ۳/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د ورزشکارانو ترمنځ همغږي رامنځته کول دي.
