تخار؛ د ولسواليو اتلولۍ ليگ سيالۍ د خواجه غار بازانو لوبډلې په اتلولۍ پای ته ورسېدې
د تخار ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په خواجه غار ولسوالۍ کې د اتو ولسواليو لوبډلو ترمنځ د فوټبال اتلولۍ ليگ سيالۍ، چې لس ورځې مخکې پيل شوې وې د خواجه غار بازانو لوبډلې په اتلولۍ پای ورسېدې.
د يادو سياليو پايلوبه د خواجه غار بازانو او استقلال لوبډلو ترمنځ ترسره شوه، چې په ټاکلي وخت کې سيالۍ مساوي پای ته ورسېده، خو په پنالټيانو کې خواجه غار بازانو لوبډلې خپلې سيالې لوبډلې ته د ۴ پر ۲ گولونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو په پای کې لوبډلو او غوره لوبغاړو ته چمتو شوې ډالۍ ورکړل شوې.
