تخار؛ درقد ولسوالۍ کې د ۱۰۰ پهلوانانو ترمنځ د سیمه ییزې غېږ نیونې سیالۍ ترسره شوې
د تخار ولایت د بدني روزنې او ورزش آمریت اړوند د پهلواني فدراسیون د نمایندګي او د ملي او دودیزو لوبو د مدیریت له لوري د یاد ولایت د درقد ولسوالۍ په ورزشي چمن کې د ۱۰۰ تنو پهلوانانو ترمنځ د غېږ نیونې سیمه ییزې سیالۍ ترسره شوې.
یادې سیالۍ د پهلواني په برخه کې د غوره لوبغاړو د موندلو په موخه ترسره شوې، چې یوه ورځ یې دوام وکړ او په پای کې د لوبو د مسؤولانو له لوري ګټونکو پهلوانانو ته ستاینلیکونه ورکړل شول.
