بلخ کې د ۸۰ ورزشکارانو ترمنځ د رزمي لوبو هاپکيدو سبک سيالۍ وشوې
د بلخ ولایت د بدني روزنې او ورزش رياست اړوند د رزمي لوبو فدراسيون د استازولۍ له لوري د ياد ولايت په مرکز مزار شريف ښار کې د ۸۰ ورزشکارانو ترمنځ د رزمي لوبو هاپکيدو سبک سيالۍ وشوې.
په دغو سیالیو کې ورزشکاران د نويو ځوانانو، ځوانانو او لويانو په عمري کټگوريو کې د يو بل پر وړاندې سيالۍ ترسره کړې، چې په پايله کې ۴۰ تنو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
د يادو سياليو موخه ورزش ته د ځوانانو هڅول و، چې يوه ورځې يې دوام وکړ.
