بلخ کې د ۵۰ ورزشکارانو ترمنځ د کونګفو سیالۍ وشوې
د بلخ ولایت د بدني روزنې او ورزش امریت اړوند د کونګفو ملي فدراسیون د استازولۍ له لوري د یاد ولایت د بلخ ولسوالۍ په ثمرقند کلي کې د پسرلني جام په نوم د ۵۰ ورزشکارانو ترمنځ د نویو ځوانانو، ځوانانو او د لویانو ورزشکارانو په عمري کټګوریو کې د کونګفو سیالۍ وشوې.
دغه سیالۍ، چې د تک فایټ په ډول وشوې، په پایله کې ۲۵ تنو ورزشکارانو خپلو سیالانو ته په ماتې ورکولو سره بریاوې او لومړي مقامونه ترلاسه کړل.
د سیالیو په پای کې د ورزش مسؤلینو له لوري غوره ورزشکارانو ته مډالونه، کمربندونه او ستاینلیکونه ورکړل شول.
