بلخ کې د ۱۰۰ تنو چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې ملي فدراسيون د استازولۍ له لوري د مزارشريف ښار په مقيم بای ورزشي لوبغالي کې د ۱۰۰ تنو چاپندازانو ترمنځ د وزلوبې سيالۍ ترسره شوې.
د يادو سياليو په پايله کې د ميدان حکم له لوري دوه اخرالاقه اعلان شول، چې لومړۍ اخرالاق شمس الدین پهلوان او دويم اخرالاق بيا گلبدين پهلوان تر حلالې دايرې ورساوه او د سياليو گټونکي شول.
د يادونې وړ ده، چې د دغو سياليو د ترسره کېدو موخه راتلونکو لوبو لپاره د چاپندازانو لا ښه چمتو والی وو، چې يوه ورځ يې دوام وکړ.
