بلخ کې د غر ختنې څلور لس کسېزه لوبډله د سیف الدین غرونو لوړې څوکې ته وختله
د بلخ ولایت د بدني روزنې او ورزش ریاست اړوند د غر ختنې ملي فدراسیون د استازولۍ له لوري د یاد ولایت د غر ختنې څلورلس کسېزه لوبډله د سیف الدین غرونو ۳۰۶۶ متري واټن لوړې څوکې ته په لس ساعتونو کې وختله.
د یادولو وړ ده، چې دغه سیالۍ د څلورلس غر ختونکو ورزشکارانو له لوري په داسې حال کې ترسره شوې، چې د غر ختنې ملي فدراسیون رهبري رییس هم ګډون کړی و.
د یادې غر ختنې موخه راتلونکو ملي سیالیو ته،چې څو ورځې وروسته به په مرکز ترسره شي د غر ختونکو چمتووالی و.
