بلخ ؛ په مزار شریف ښار کې د ۵۰ ورزشکارانو ترمنځ د موی تای سيالۍ وشوې
د بلخ ولايت د بدني روزنې او ورزش ریاست اړوند د موی تای فدراسیون د استازولۍ له لوري د ياد ولايت مرکز مزار شريف ښار کې د ۵۰ ورزشکارانو ترمنځ د موی تای سیالۍ وشوې.
دغه سيالۍ، چې يوه ورځ يې دوام وکړ، په پايله کې ۲۵ ورزشکارانو خپلو سيالانو ته ماتې ورکړې او برياوې خپلې کړې.
د يادو سياليو موخه ورزش ته د ځوانانو هڅول و او په پای کې غوره ورزشکارانو ته مډالونه او ستاينليکونه ورکړل شول.
