بلخ ؛ په مزار شريف ښار کې د ۷۸ چاپندازانو ترمنځ د وزلوبې سيالۍ ترسره شوې
بلخ ولایت د بدني روزنې او ورزش رياست اړوند د وزلوبې،نيزه وهنې او سيمه ييزو لوبو ملي فدراسیون استازولۍ له لوري د ياد ولايت په مزارشريف ښار کې د ۷۸ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان حکم له لوري دوه اخرالاقه اعلان شول، چې لومړی اخرالاق روح الله انصاري پهلوان د ايشان عتيق الله په آس او دويم اخرالاق مصطفی پهلوان د سردار ولي ګران په آس تر حلالې دايرې ورساوه او د سياليو گټونکي شول.
دغو سياليو موخه راتلونکو سياليو لپاره د چاپندازانو لا ښه چمتو والی او د ياد ولايت وگړو ته د سالمې تفريح برابرول وو، چې يوه ورځ يې دوام وکړ.
