بلخ ؛ مرکز مزار شريف ښار کې د ۱۶ لوبډلو ترمنځ د واليبال ټاکنيزې سیالۍ پای ته ورسېدې
د بلخ ولایت د بدني روزنې او ورزش ریاست اړوند د واليبال فدراسیون د استازولۍ له لوري د یاد ولایت مرکز مزارشريف ښار کې د ۱۶ لوبډلو ترمنځ د واليبال ټاکنيزې سيالۍ د چهاربولک ځوانانو لوبډلې په اتلولي پای ته ورسېدې.
د یادو سیالیو پایلوبه کې چهاربولک ځوانانو لوبډلې د ۳ پر یو میدان په توپیر خپلې سیالې جوړه رئیس لوبډلې ته ماتې ورکړه او اتلولي یې وګټله.
د یادونې وړ ده، چې له یادو سیالیو وروسته ۳۰ تنه د بلخ ولایت د والیبال ټاکنیزې لوبډلې ته وټاکل شول.
