بلخ؛ چهاربولک ولسوالۍ کې د اتو لوبډلو ترمنځ د واليبال سيالۍ پای ته ورسېدې
د بلخ ولایت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په چهاربولک ولسوالۍ کې د اتو لوبډلو ترمنځ د واليبال سيالۍ، چې يوه ورځ يې دوام وکړ د نور آغا لوبډلې په اتلولۍ پای ته ورسېدې.
د دغو سیالیو په پايلوبه کې نور آغا لوبډلې خپلې سيالې چهل چراغ لوبډلې ته د ۰/۱ گول په توپير ماتې ورکړه او اتلولي يې وگټله.
د يادو سياليو موخه د واليبال ورزش ته د ځوانانو هڅول او ترمنځ يې يووالی رامنځته کول وو.
