بلخ؛ چمتال ولسوالۍ کې د شپږو لوبډلو ترمنځ د واليبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د واليبال فدراسیون د استازولۍ له لوري د یاد ولایت په چمتال ولسوالۍ کې د شپږو لوبډلو ترمنځ د واليبال سیالۍ د استقلال لوبډلې په اتلولۍ پای ته ورسېدې.
د يادو سیالیو پایلوبه کې استقلال لوبډلې خپلې سیالې قيوم چچه لوبډلې ته د ۰/۱ ميدان په توپیر ماتې ورکړه او اتلولي یې وگټله.
دا سیالۍ ورزش ته د ځوانانو هڅولو او له نشه یي توکو څخه د ځوانانو د ليرې والي په موخه ترسره شوې، چې یوه ورځ یې دوام وکړ.
