بلخ؛ چاهي ولسوالۍ کې د ۴۴ کورشکارانو ترمنځ د کورش سیالۍ وشوې
د بلخ ولایت د بدني روزنې او ورزش ریاست اړوند د کورش ملي فدراسیون د استازولۍ له لوري د یاد ولایت د چاهي ولسوالۍ په دالي کلي کې د ۴۴ کورشکارانو ترمنځ په بېلا بېلو وزنونو کې د کورش سیالۍ وشوې، چې یوه ورځ یې دوام وکړ.
د دغو سیالیو په پایله کې د ۲ جوړو لوبې مساوي او ۲۰ کورشکارانو بیا خپلو سیالانو ته په ماتې ورکولو سره بریاوې او د اتلولۍ مقامونه خپل کړل.
د یادو سیالیو موخه دودیزو لوبو ته وده ورکول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
