بلخ؛ په مزار شريف ښار کې د ۴۰ ورزش کارانو ترمنځ د قوت الرمي ټاکنیزې سیالۍ وشوې
د بلخ ولایت د بدني روزنې او ورزش رياست اړوند د قوت الرمي فدراسیون د استازولي له لوري د یاد ولایت مرکز مزارشريف ښار کې د ۴۰ ورزشکارانو ترمنځ د قوت الرمي ټاکنیزې سیالۍ وشوې.
دغه سيالۍ، د نویو ځوانانو، ځوانانو او لويانو په عمري کټګوریو کې تر سره شوې، چې په پايله کې ۷ ورزشکاران د بلخ ولایت ټاکنیزې لوبډلې ته وټاکل شول.
د يادو سياليو موخه د بلخ ولایت ټاکنیزې لوبډلې ته د غوره ورزشکارانو موندل و، چې يوه ورځ يې دوام وکړ.
