بلخ؛ مرکز مزارشریف ښار کې د ۵۵ چاپ اندازانو ترمنځ د وزلوبې سیالۍ ترسره شوې
د بلخ ولایت د بدني روزنې او ورزش ریاست اړوند د وزلوبې، نیزه وهنې او ملي او دودیزو لوبو فدراسیون د استازولي له لوري د یاد ولایت مرکز مزارشریف ښار کې د ۵۵ چاپ اندازانو ترمنځ د وزلوبې سیالۍ ترسره شوې.
د دغو سیالیو په پای کې یو آخرلاق اعلان شو، چې پهلوان مصطفی ترسره کړ او د دغو سیالیو ګټونکی شو.
دا سیالۍ د وزلوبې شپږم پړاو غوره لیګ سیالیو ته د چمتو والي په موخه ترسره شوې، چې یوه ورځ یې دوام وکړ.
