بلخ؛ مرکز مزارشریف ښار کې د ۲۲ ورزشکارانو ترمنځ د سوک وهنې آزادې سیالۍ ترسره شوې
د بلخ ولایت د بدني روزنې او ورزش ریاست اړوند د سوک وهنې فدراسیون د استازولي له لوري د یاد ولایت مرکز مزارشریف ښار کې د ۲۲ ورزشکارانو ترمنځ د کېک بوکسېنګ آزادې سیالۍ ترسره شوې.
دغه سیالۍ د نویو ځوانانو په عمري ګټکورۍ او له ۲۵ تر ۶۰ بېلابېلو وزني کټګوریو کې ترسره شوې، چې په پایله کې یې ۱۱ ورزشکارانو خپلو سیالانو ته په ماتې ورکولو سره بریاوې خپلې کړې.
یادې سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ او په پای کې ګټونکو لوبغاړو ته مډالونه او ستاینلیکونه ورکړل شول.
