بلخ؛ د ۱۸ لوبډلو ترمنځ د ا.ا.ا. په نوم د فوټسال سیالۍ د قناعت ټکنالوژۍ په بریا پای ته ورسېدې
د بلخ ولايت د بدني روزنې او سپورت رياست په همکارۍ د اتلسو ټيمونو ترمنځ د ا.ا.ا. په نوم
د فوټسال سيالۍ چې يوه مياشت يې دوام وکړ، د قناعت تکنالوژۍ په اتلولۍ سره پاى ته ورسيده.
د دغو سیالیو پای لوبه د قناعت تکنالوژۍ او عقاب لوبډلې ترمنځ ترسره شوه، چې په پایله کې یې د قناعت تکنالوژۍ لوبډلې په ډېرو نمرو سره د دغه پړاو د سیالیو اتلولي وګټله.
د دغو سیالیو د ترسره کولو موخه د ځوانانو هڅونه او د فوټسال وده او پراختیا ده، چې په وروستیو کې د سیالیو اتلې لوبډلې ته مډال او ستاینلیکونه ورکړل شول.
