بلخ؛ دهدادي ولسوالۍ کې د ۱۲ لوبډلو ترمنځ د والیبال سیالۍ پيل شوې
د بلخ ولایت د بدني روزنې او ورزش امریت اړوند د والیبال فدراسیون د استازولۍ له لوري او د یما پطرولیم شرکت په مالي ملاتړ د یاد ولایت په دهدادي ولسوالۍ کې د ۱۲ لوبډلو ترمنځ د والیبال سیالۍ پيل شوې.
د دغو سیالیو په لومړۍ لوبه کې د صحت عامې لوبډلې خپلې سیالې دهدادي لوبډلې ته د ۳/۰ میدانونو په توپير ماتې ورکړه او بریا یې خپله کړه.
هېره دې نه وي دغه سیالۍ به دوې اوونۍ دوام وکړي او موخه ولیبال ورزش ته وده ورکول دي.
