بغلان؛ کندک آبیاري سیمه کې د وزلوبې سیالۍ ترسره شوې
د بغلان ولایت د بدني روزنې او ورزش آمریت اړوند د وزلوبې فدراسیون د استازولي له لوري د یاد ولایت په کندک آبیاري سیمه کې د ۴۰ تنو چاپ اندازانو ترمنځ د وزلوبې دوه ورځنۍ سیالۍ ترسره شوې.
د یادو سیالیو په لومړۍ ورځ دوه آخرلاقونه ترسره شول ، چې لومړی یې ایمل پهلوان په خپل آس او دویم هغه بیا دادالله پهلوان د ګلجان په آس ترسره کړ او خپلې نغدي جایزې یې ترلاسه کړې.
همداراز د سیالیو په دویمه ورځ هم دوه آخرلاقونه ترسره شول چې لومړی یې کریم پهلوان د میر غوث الدین په آس ترسره کړ؛ خو دویم آخلاق یې بیا د وخت د کمښت له امله مساوي اعلان شو.
د یادونې وړ ده، چې دا سیالۍ په هېواد کې د وزلوبې پنځم پړاو سیالیو له ترسره کېدو څخه وروسته د لومړي ځل لپاره ترسره شوې.
