بغلان؛ مرکز کې د اتو لوبډلو ترمنځ د معارف والیبال سیالۍ پيل شوې
د بغلان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په مرکز کې د اتو لوبډلو ترمنځ د معارف والیبال سیالۍ د عمرفاروق لېسې لوبډلې په بریا پيل شوې.
دغه سیالۍ چې څلور ورځې به دوام وکړي په لومړۍ لوبه کې عمرفاروق لېسې لوبډلې خپلې سیالې افغان شېرزي لوبډلې ته د ۳/۰ امتیازونو په توپیر ماتې ورکړه او بریا یې خپله کړه.
د یادو سیالیو موخه د والیبال ورزش ته وده ورکول او ورزشکارانو ملاتړ کول دي.
