بغلان؛ مرکز پلخمري کې د ۵۶ ورزشکارانو ترمنځ د سوک وهنې ټاکنيزې سيالۍ وشوې
د بغلان ولايت د بدني روزنې او ورزش امريت اړوند د سوک وهنې ملي فدراسيون د استازولۍ له لوري د ياد ولايت په مرکز پلخمري ښار کې د ۵۶ ورزشکارانو ترمنځ د سوک وهنې ټاکنيزې سيالۍ وشوې.
دغه سيالۍ په بېلابېلو وزني او عمري کټګوريو کې ترسره شوې، چې په پايله کې ۱۰ تنه د بغلان ولايت د سوک وهنې منتخبې لوبډلې ته وټاکل شول.
د يادو سياليو موخه د غوره ورزشکارانو موندل و، چې يوه ورځ يې دوام وکړ.
