بغلان؛ د ۳۲ لوبډلو ترمنځ د فوټسال سیالۍ د کهکشان لوبډلې په اتلولۍ پای ته ورسېدې
د بغلان ولایت د فوټسال کمېټې له لوري د ۳۲ لوبډلو ترمنځ د ژمني حذفي جام په نوم د فوټسال سیالۍ، چې لس ورځې وړاندې په یاد ولایت کې پیل شوې وې، د کهکشان لوبډلې په اتلولۍ پای ته ورسېدې.
د یادو سیالیو پایلوبه د کهکشان او د یووالي لوبډلو ترمنځ ترسره شوه، چې په پایله کې د کهکشان لوبډلې خپلې سیالې لوبډلې ته د ۵/۲ ګولونو په توپیرماتې ورکړه او اتلولي یې په خپل نوم کړه.
هېره دې نه وي چې ددغو سیالیو په پای لوبه کې ګڼ شمېرو مینوالو او ورزشکارنو هم ګډون کړی و.
