بغلان؛ د بغلان په نوي ښار کې د ۹۴ ورزشکارانو ترمنځ د کورش پهلوانۍ سیالۍ ترسره شوې
د بغلان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په بغلان جدید ښار کې له کندز، سمنګان او د بغلان ولایتونو د ۹۴ ورزشکارانو ترمنځ د کورش پهلوانۍ سیالۍ ترسره شوې.
د دغو سیالیو په پایله کې ۴۷ ورزشکارانو خپلو سیالانو ته ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول او یوه سالمه تفریح برابرول و.
د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
