بغلان؛ دوشي کوټ ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پای ته ورسېدې
د بغلان ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په دوشي ولسوالۍ کې د ٢٤ لوبډلو ترمنځ د ټېپ بال کرېکټ سیالۍ د وزیر آباد لوبډلې په اتلولي پای ته ورسېدې.
د یادو سیالیو پایلوبه د آمو نهنګانو او وزیر آباد لوبډلو ترمنځ ترسره شوه. د لوبې پچه آمو نهنګانو لوبډلې وګټله او لومړی یې توپ اچونه وکړه، چې وزیر آباد لوبډلې په ټاکلو اتو اورونو کې د درېیوو ویکټو په زیان خپلې سیالې لوبډلې ته د ١١٤ منډو هدف وټاکه. آمو نهنګانو لوبډلې د هدف په تعقیب کې د ټولو ویکټو په زیان یوازې ٤٩ منډې وکړې او د ٦٤ منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه ترسره شوې، چې درې اوونۍ یې دوام وکړ.
