بغلان؛ توفیق لوبډلې د پلخمري ښار د ۱۶ لوبډلو ترمنځ د والیبال سیالیو اتلولي وګټله
د بغلان ولایت په مرکز پلخمري ښار کې د والیبال فدراسیون او سپورت امریت په همغږۍ د ۱۶ لولډلو ترمنځ پیل شوې لومړی پړاو سیالۍ د توفیق لوبډلې په اتلولۍ پای ته ورسیدې.
دغه سیالۍ چې د روانې وږي میاشتې په ۱۲ مه نېټه پیل شوې وې، په پایلوبه کې یې ده صلاح او توفیق لوبډلې له یو بل سره مخ شوې، په پایله کې توفیق لوبډلې خپلې سیالې لوبډلې ته ماتې ورکړه او اتلولي یې په خپل نوم کړه.
د یادونې وړ ده چې توفیق او ده صلاح لوبډلو د بغلان غوره لیګ سیالیو ته هم لاره پیدا کړه.
په پای کې د مسؤولینو او میلمنو له لوري غوره لوبډلو او لوبغاړو ته کپونه، مډالونه، ستاینلیکونه او ورزشي توکي ورکړل شول.a
