بدخشان؛ فيض اباد ښار کې د ۲۰۰ چاپندازانو ترمنځ د وزلوبې سيالۍ ترسره شوې
د بدخشان ولايت د بدني روزنې او سپورټ آمريت اړوند د وزلوبې فدراسيون د استازولۍ له لوري د فيض اباد ښار په سنگ مهر ورزشي لوبغالي کې د ۲۰۰ چاپندازانو ترمنځ د ژمني جام په نوم د وزلوبې سيالۍ ترسره شوې.
په دغو سياليو کې د ميدان حکم له لوري درې اخرالاقه اعلان شول، چې لومړی رنگين راغي پهلوان، دويم سردار پهلوان او درېيم عبدالبصير بابا عاشور پهلوان تر ټاکلې دايرې ورساوه او د ډاليو گټونکي شول.
د يادو سياليو موخه د ياد ولايت منتخبې لوبډلې ته د غوره چاپندازانو پیدا کول وو، چې څلور ورځې يې دوام وکړ.
په پای کې د ورزش آمريت له لوري غوره چاپندازانو ته بېلابېلې ډالۍ ورکړل شوې.
