بامیانو ولایت کې د ۳۴ ورزشکارانو ترمنځ د رزمي لوبو کي وان کیک بکسینګ سبک سیالۍ ترسره شوې
د بامیانو ولایت د بدني روزنې او ورزش امریت له لوري یاد ولایت کې د ۳۴ ورزشکارانو ترمنځ د تنکیو ځوانانو، نويو ځوانانو او ځوانانو په عمري کټګوریو کې د رزمي لوبو کي وان کیک بکسینګ سبک سیالۍ ترسره شوې.
په دغو سیالیو کې د تنکیو ځوانانو له کټګورۍ احمد، محمد خالد، محمد حسین، نورالله او خیرالله د نويو ځوانانو له کټګورۍ شمس، محمد حسین، بشیراحمد، مصطفی او سمیع الله او د ځوانانو له کټګورۍ عبدالعلي، محمد زمان، فهیم، رامین، مصطفی او رجب علي غوره لوبغاړي وپېژندل شول.
د یادو سیالیو موخه ټاکنیزو سیالیو ته د ملي لوبډلې لپاره د غوره لوبغاړو موندل دي.
د سیالۍ په پای کې د ورزش مسوولینو له لوري غوره لوبډلې ته د اتلولۍ کپ او غوره لوبغاړو ته مډالونه ورکړل شول.
