بامیان؛ یکاولنګ کې د څلور ولایتونو د لوبغاړو ترمنځ د نیوفول کانټاک سیالۍ ترسره شوې
د بامیانو ولایت په یکاولنګ لومړۍ نمبر ولسوالۍ کې تېره ورځ د بامیان، غزني، کابل او هرات ولایتونو د لوبغاړو تر منځ د نیو فول کانټاک په زړه پورې سیالۍ ترسره شوې.
دغه سیالۍ د بامیانو د ورزش آمریت او اړوند فدراسیون په همغږۍ د سلګونو تنو لیدونکو او مینوالو په حضور کې وشوې.
په سیالیو کې ۷۰ ورزشکاران په دریو عمري کټګوریو (تنکيو ځوانانو، ځوانانو او لویانو) کې یو د بل په وړاندې ولوبېدل.
په پایله کې بامیانو لوبډلې لومړۍ، هرات دوهم او غزني لوبغاړو خپل کړ. د یادونې وړ ده چې د پنجاب ولسوالۍ یو تن ورزشکار علي سینا امیري د غوره لوبغاړي په توګه وپېژندل شو او د یکاولنګ لوبډلې بیا اخلاقو کپ ترلاسه کړ.
په پای کې ددې لوبو ګډونوال لوبغاړي د مسؤولینو له لوري وستایل شول.
