بامیان؛ د یکاولنګ ولسوالۍ د والیبال سیالۍ د بند امیر لوبډلې په بریا پای ته ورسېدې
د بامیان ولایت د بدني روزنې او ورزش آمریت له لوري د یاد ولایت د یکاولنګ ولسوالۍ په سرقل کلي کې د ۱۶ لوبډلو ترمنځ د والیبال سیالۍ، چې ۲۰ ورځې مخکې پیل شوې وې، د بند امیر لوبډلې په اتلولۍ پای ته ورسېدې.
د یادو سیالیو پایلوبه د وحدت سرقل او بند امیر لوبډلو ترمنځ ترسره شوه، چې په پایله کې بند امیر لوبډلې د ۳/۰ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د دغو سیالیو موخه د یاد ولایت په ولسوالیو کې د والیبال سیالیو ترویج ښودل شوی دی او په پایله کې اتلې لوبډلې او د سیالیو ترتیبونکي ته ډالۍ او ستاینلیکونه ورکړل شول.
