باميان؛ کندک دگا لوبډلې د يکاولنگ اولې حصې ولسوالۍ د واليبال سياليو اتلولي وگټله
د باميان ولايت د بدني روزنې او ورزش امريت اړوند د واليبال فدراسيون د استازولۍ له لوري د ياد ولايت په يکاولنگ اولې حصې ولسوالۍ کې د ۱۶ لوبډلو ترمنځ د واليبال سيالۍ د کندک دگا لوبډلې په اتلولۍ پای ته ورسېدې.
د يادو سياليو پايلوبه د کندک دگا او ستاره گان لوبډلو ترمنځ ترسره شوه، چې په پايله کې کندک دگا لوبډلې سيالې لوبډلې ته د ۲/۳ ميدانونو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه د واليبال لوبې وده ياده شوې وه، چې دوې اوونۍ يې دوام وکړ او په پای کې اتلې لوبډلې ته نغدي ډالۍ ورکړل شوې.
